ТӦВАРИЩЕСТВО КОСЬТӦ НЮР

1924 воын май тӧлысь гӧгӧр Куж сиктын (Кулӧмдін у.) лӧсьӧдісны сельскокӧзяйственнӧй тӧварищество. Тӧвариществоас сэки пырлісны 40−45 морт гӧльджык крестьяна пӧвстысь. Ӧні сэні 90 шлен нин.

Тайӧ регыдик кадӧн тӧварищество удитіс нин судзӧдны 15 плуг дай ӧти кӧдзан машина. Таво сійӧ уездувса агроном Изъюрова индалӧм серти заводитчис косьтыны нюр. Уджыс мунӧ зэв ӧдйӧ. Ставыс лоӧма уджалӧма 252 пӧденщина нин. Тадзи кӧ тӧвариществоыс пыр кутас уджавны, во-мӧд мысти позяс нин уджавны нюр местаын.

П. Ефимов.