ПОШТА КУД
Ӧні редакцияӧ уна кутісны воны гижӧдъяс газетӧ гижысьяссянь ассьыныс ним-овнысӧ да адреснысӧ пасйытӧг. Юӧртам — сэтшӧм гижӧдъяссӧ ми газетын огӧ лэдзӧй. Весиг водзӧ кежлӧ огӧ кутӧй сэтшӧм гижӧдъяс вылас гижны пошта кудйын.
Волся. Ручлы. «Лӧсьыд гӧлӧса сьылысьыд» оз мун. Колӧ гижны тыр ним-ов да оланін.
Чераневскӧй. Кокольлы. Чуд гу йывсьыд гижӧдтӧ ыстім Коми Му велӧдан обществоӧ (
Луга. Коми гӧрдармееч Панюковлы. Коми кывйӧн велӧдӧны да босьтчӧны уджсӧ нуӧдны учрежденньӧяс сыла, медым коми йӧзыс гӧгӧрвоасны, кутшӧм удж да кыдзи нуӧдӧ Сӧвет власьт, сійӧн матыстны став коми йӧзсӧ Совет власьт бердӧ, сійӧ удж бердӧ; коми кывйӧн югдӧдны регыдджык йӧзсӧ, сетны вежӧртассӧ бурӧс. Ми кӧ коми кывйӧн, ас кывнас коми мортӧс огӧ босьтчӧй югдӧдны да сёрнитны, ёна на дыр кежлӧ колям пемыдӧн, гӧгӧрвотӧмӧн сійӧс. Дерт, роч кывтӧ кӧ коми йӧзыс ставыс спутю вӧлі гӧгӧрвоӧны, нинӧм вӧлі и коми кыв дінас кутчысьны. Дерт эськӧ, зэв бур, ми кӧ ставным, коми йӧз, тӧдам вӧлі да кужам сёрнитны не сӧмын роч кывйӧн, а унджык кывъясӧн. Селькоръясыд миян, дерт, абу на тырмымӧн, да воддза серти унджык нин дай пыр ӧтарӧ содӧ.
