БУР ТӦВАРИЩЕСТВО

Лэдзис кер дай шпал аслас ки пыр. — Лӧсьӧдӧны вартан машина. — Весалӧны кӧйдысъяс. — «Бурсьылысьясысь» эновтчӧны.

Мыс куръя дорын (Кулӧмдін у.) эм удждысян тӧварищество. Шленъясыс удж вылас босьтчисны зэв чорыда. Таво аслас ки пыр тӧвариществоыс лэдзис став керсӧ да шпалсӧ дай кылӧдіс карӧдз. Таво кежлӧ шуисны лӧсьӧдны кык вартан машина да мукӧд пӧлӧс му уджалан машинаяс. Вартанінъяс лӧсьӧдісны нин.

Крестьяна зэв зільӧны весавны кӧйдыс, шуӧны, весалӧм кӧйдысӧн пӧ бурджык нянь воӧ. Юралысьыс тӧвариществоас собранньӧяс вылас пыр шленъясыслы висьтавлӧ, кыдзи колӧ сувтӧдны бурджыка удж тӧвариществолы. Войдӧр вӧлі йӧз сӧмын «бурсьылысьяслысь» кывзӧны. Тӧвариществоын юралысь крестьяналы висьтавлӧ «бурсьылысьяслысь» ылӧдлӧмсӧ. Крестьяна ньӧжйӧникӧн кутісны гӧгӧрвоны, кодарыс бурджык.

Аддзан морт.