ЛУЗЙЫВ ВӦЛӦСЬТЫН
(Сыктыв уездын)
«Секретарю исполнить».
Исполкомын уджалӧ куим морт. Медбурасӧ уджалӧ секретарыс. Юралысьыс, поштанад бумагаясыд локтасны да, сӧмын лыддьыштас да гижас: «
Некутшӧм удж оз нуӧд.
«Олам лӧсьыда».
Исполком аслас удж йылысь крестьяналы некор оз висьтавлы. Вӧлӧсьтувса сӧвет чукӧртчывлӧ сӧмын кор воласны обисполкомсянь либӧ уездувса исполкомсянь представительяс. Вӧлӧсьтувса сӧветъяс вылын исполкомын юралысь исполком удж йылысь кык кывйӧн висьталӧ: «Олам лӧсьыда».
Колӧ учитель.
Таво велӧдісны сӧмын ӧти школаын, мӧдсӧ лои пӧдлавны, учительыс эз вӧв да. «Ыджыд лун» бӧрын велӧдчыны эз нин чукӧртчывны. Уездувса йӧзӧс велӧдан юкӧдлы колӧ ёнджыка видзӧдлыны тайӧ пемыд пельӧсас, колӧ корсьны мӧд школаас велӧдысьӧс да лӧсьӧдны, мед школаясас велӧдісны мукӧдлаын моз жӧ, мед эз эштӧдны «Ыджыд лунӧдз».
Пошта ветлӧм йылысь.
Пошта ветлӧ тӧлысьын кыкысь. Ветлан кадсӧ абу лӧсьӧдӧма, волас кор веськалӧ. Гожӧмын поштасӧ новлӧдлӧны подӧн либӧ пыжӧн.
Туйяс омӧльӧсь.
Шоръяс да нюръяс вомӧн кӧть лэбав.
Туйяс вывті омӧльӧсь. Гожӧмын шочиника нин кодкӧ ветлас Опаринаӧ верзьӧмӧн, телегаӧн мунны нинӧм и думайтны. Мурашӧ выйӧдз верзьӧмнас сьӧкыда воан, шоръяс да нюръяс вомӧн некутшӧм прамӧй пос абу. Луза ю вомӧн поскыс абу жӧ. Лоӧ вуджавлыны пыжӧн, вӧвъяссӧ вартчӧмӧн вуджӧдны, телеганас вуджавны позьӧ сӧмын ичӧт ваӧн.
