ВИСЕРВОЖСАЛЫ ОЗ КОВ ЛЭДЗНЫ СКӦТӦС ВИДЗЬЯС ВЫЛӦ

Колӧ лӧсьӧдны пӧскӧтина

Ыджыдвидз, Висер да Одыб (Кулӧмдін у.) вӧлӧсьтъясын лым сылӧм бӧрын юнь 20-ӧд лунӧдз скӧтсӧ видзӧны видзьяс вылын. Зэрыд ёнджыкасӧ овлывлӧ тулыснас, кор скӧтсӧ видзьяс вылас видзӧны. Скӧтӧс видзьяс вылӧ лэдзны дугдӧм бӧрти прамӧй зэр оз нин усьлы. Сы вӧсна видзьяс вылӧ бур турун некор оз петавлы. Ставыс кутшӧмкӧ лёк сёйны шогмытӧм турун. Шулан жӧ эськӧ крестьяналы та йылысь да, шуӧны — скӧтсӧ пӧ видзнысӧ некӧні, пӧскӧтинаыс пӧ абу; дай ми кӧ пӧ огӧ видзӧй, мукӧд вӧлӧсьтувса видзны жӧ кутасны (куимнан вӧлӧсьтыслӧн скӧтыс олӧны ӧтлаын). Сэсся суйӧр тулысын зэв дыр оз потшны. Мукӧдыс оз и потшлыны. Пыр сэсся бӧрыннас судитчӧны.

Ме ногӧн кӧ эськӧ, колӧ тайӧ куим вӧлӧсьтыслы чукӧртчывны конференция вылӧ да сёрнитны: 1) скӧт видзьяс вылын видзӧм йылысь; 2) пӧскӧтина паськӧдӧм йылысь (нюръяс позьӧ косьтыны, нюр вӧснаыс и некытчӧ муннысӧ оз позь) да 3) суйӧр кадын потшӧм йылысь.

Дедов.