МАТӦДЖЫК СОЦИАЛИЗМЛАНЬ

Мӧскуаын, Ленинскӧй грездын, гажаа восьтісны ломтысян удж тӧдмалан институт (теплотехнический институт). Тайӧ институтсӧ стрӧитісны В. И. Ленин шуӧм серти. Тайӧ институтыс кутас корсьысьны-видлавны быд ломтысянтор да тӧдмавны наукаӧн, кыдзиджык бурджыка быдсикас ломтысяннас ломтысьны. Тайӧ медыджыд школа став му вылас ломтысянторъяс тӧдмалӧм йылысь. Восьтӧм кузя пукалӧм вылас юраліс Троцкӧй ёрт. Сійӧ висьталіс, кутшӧм ыджыд бур сетас институтыс промышленносьт да видз-му уджалӧм кыпӧдӧм веськыда (правильно) сувтӧдны. Институт восьтӧм вылӧ волісны став мукӧд государствоса посолъяс.