ХЛЕБОПРОДУКТ, ОЗ-Ӧ ПОЗЬ НЮЖӦДНЫ УДЖЙӦЗТӦ МЫНТАН СРОКСӦ?

Емдін уездын, Емва вӧлӧсьтъясын крестьяна колян во Хлебопродуктлысь босьтавлісны уджӧн тӧваръяс, кыйсьӧм вылӧ надеяӧн. Арын кыйсьысьясыдлы зверыд эз сюр да, уджйӧзтӧ Хлебопродуктыдлы мынтынысӧ эз вермыны. Сэсся Хлебопродуктыд босьталіс вексельяс; вексельяссӧ кырымӧдалігас уналы эз и висьтавлы, мыйла вексельсӧ кырымӧдӧны. Ӧні вексельыслӧн срокыс кольӧма да, народнӧй суд исполкомъясӧ ысталӧма исполнитан листъяс перйыны йӧзлысь уджйӧзъяс. Судыс шуӧма: оз кӧ пӧ бурӧн сетны уджйӧзсӧ, вӧв и мӧс пӧ вузавлыны лоӧ.

Колӧ эськӧ нюжӧдны уджйӧз мынтан сроксӧ во кежлӧ кымын ли, этшаджык ли. Тадзитӧ гӧль крестьянаыд дзикӧдз рӧзӧритчасны.

А. Лютоев.