ОТСАЛӦЙ ГӦЛИНИК КРЕСТЬЯНИНЛЫ

Зӧвсьӧрт сиктса (Емдін уезд.) крестьянинлӧн Попов Павел Василейлӧн колян во турун вайигӧн кулі вӧлыс. Март тӧлысьын сійӧ ньӧбис выль нёль арӧса вӧв. Сы вылӧ сетіс куканя мӧс, арӧса кукань дай кызь шайт сьӧм. Март тӧлысь помас Поповыд мӧдӧдчис мунны Яренскӧ уджавны, да туй вылас сійӧн бара торксис: вӧйи вӧлыс став сийӧс-заводнас.

Ӧні Поповлӧн коли куим посни челядь. Мӧскыс сӧмын ӧти, дай сійӧ пиньтӧм. Аслыс (Поповыслы) 52 арӧс. Уджавныс омӧля нин вермӧ. Бабаыслы 45 арӧс, абу жӧ дзик дзоньвидза.

Колӧ Поповлы ӧдйӧнджык отсавны.

Зӧвсьӧртса крестьяна, уездувса да вӧлӧсьтувса мӧда-мӧдлы отсасян комитетъяс! Отсалӧй мыйӧн верманныд Поповлы, энӧ сетӧй сылы рӧзӧритчыны.

Жгучий.