БУРА БОСЬТЧИСНЫ УДЖ БЕРДӦ

Час вӧлӧсьтӧ (Емдін у.) неважӧн воисны выль уджалысьяс: учитель Буткин да избач Ермолин. Найӧ воӧмсянь ёна вежсис школаын да лыддьысян керкаын уджыс.

Школалӧн эм ичӧтик тор му. Сэтчӧ во квайт кымын немтор эз кӧдзлыны ни, пуктывны ни. Таво Буткин ёрт зільӧм кузя сэтчӧ пуктісны град выв пуктасъяс.

Лыддьысян керкаын удж нуӧдысь Ермолин ёрт чукӧртіс том йӧз пытшкысь спорт кружок. Пытшкӧс удж лыддьысян керкаын сідзжӧ бурмис. Важ моз пызан вылын оз нин туплясьны важ косясьлӧм газетъясыд, зэв уна нига видз-му бурмӧдӧм йылысь разӧдӧма пызан вылын.

Сӧмын лыддьысян керкаын омӧльторйыс сійӧ: уджыс прӧстӧй лунӧ мунӧ сӧмын кык час. Сы дыра кежлӧ и воссьывлӧ. Колӧ эськӧ, мед неуна восьтывласны лыддьысян керкатӧ дырджык кежлӧ.

Пальник.