ИЧӦТИК ВЫЛЬТОР ВИДЗ-МУ УДЖАЛӦМЫН

Кулӧмдін уездын, Помӧсдінын крестьяна вочасӧн заводитчӧны бурджык ногӧн мусӧ уджавны. Сідз, колян во удждысян тӧварищество пыр вайисны сэтчӧ 120 плуг. Таво вайисны 15 гоз кӧрт пиня (агас) «Зигзаг». Татшӧм пинясӧ корӧмаӧсь вӧлі 45 гоз, да вайӧмыс эз на тырмы. Вайисны 10 пуд бобӧнянь кӧйдыс. Сэсся Госсельскладсянь воліс кык пуд турнепс. Тайӧ вайлӧм кӧйдысыс уналы на эз тырмы.

Таво крестьяна став ид кӧйдыссӧ весалісны машина «Триерӧн».

Попов.