БОЛГАРИЯЫН ПЫР НА КИССЬӦ ВИР

Тюрмаын пукалысь йӧзӧс виалӧны гусьӧн

ВЕНА. Софияса (Болгарияын) военнӧй суд судитіс казнитны подполковник Шильтеновӧс революция дор мунысь организацияяслы оружйӧ сеталӧмысь.

Софияын бара кутісны гусьӧн виавны арестуйталӧм йӧзсӧ. Кар сайсьыс ӧні сюрӧма болгарияса гижысь (писатель) Геомилевлӧн шойыс. Сійӧс Софияса военнӧй суд судитліс во кежлӧ тюрмаын пукӧдны, правительстволы паныд стихотворенньӧ гижӧмысь. Крестьяна союзын уджалысь Матовӧс виӧмаӧсь. Правительствоыс шуӧ: Матов пӧ пышйыны тюрмаысь кутіс да, сійӧн пӧ лыйим.