АНГЛИЯ БАРА КӦСЙӦ ДӦЗМӦДНЫ МИЯНӦС

Раковскӧй ёртӧс газетъясыс тшӧктӧны ыстыны Англияысь. Дзескӧдасны бара коммунистъясӧс.

ЛОНДОН. Англияса государствопытшса удж нуӧдысь (министр внутренних дел) Хикс неважӧн висьталіс реч. Рабочӧй партияса юралысьяс шуӧны: тайӧ висьталӧм сертиыс пӧ позьӧ виччысьны коммунистъясӧс бара ёна дзескӧдӧм. Медбӧръя кадъясын капиталистъяслӧн газетъясыс ёна кутісны усьласьны коммунистъяс вылӧ. Сэсся газетъясас тшӧктӧны ыстыны Англияысь Раковскӧй ёртӧс (Раковскӧй ёрт Англияын СССР-сянь посол).