ЙӦЗ ГӦРБ ВЫЛЫН ИСЛАЛӦ. КОЛӦ ВӦТЛЫНЫ ТӦВАРИЩЕСТВОЫСЬ

Леткаса (Сыктыв у.) удждысян тӧвариществоын эм ӧти шлен Трӧпим Петрӧвич. Лыддьыссьӧ сэні сійӧ гӧлиник мортӧн. Трӧпим Петрӧвичыс бергӧдлӧ став Летканас — ростовщик дай прӧмышленник. Став лузаса йӧзыс сійӧс зэв лӧсьыда тӧдӧны. Войдӧр сылӧн вӧлі дас ӧти ли дас кык ли дьӧгӧдь завод, кык судтаа керкаяс Яткаын, Опариноын, Леткаас вӧліны магазинъяс. Быд во войдӧр (ас висьталӧм сертиыс) сійӧ Летка вӧлӧсьтысь петкӧдліс сюрс пудйӧдз дьӧгӧдь да дас сюрс кубъясӧн вӧр. Ӧні сійӧ «гӧлиник морт». Удждысян тӧвариществоысь босьталӧ сьӧм.

Ӧні на тшӧкыдакодь уна Леткаса крестьяна волывлӧны Трӧпим Петрӧвич дінӧ отсӧгла. Сійӧ пыр отсалӧ: сетас кодлы пуд, кодлы кык пуд нянь. Сы пыдди Трӧпим Петрӧвичлы сетӧны видзьяс, муяс уджавны. Гожӧмнас сійӧ видз-мусӧ уджйӧз вылӧ аслыныс жӧ крестьяналы и лоӧ уджавнысӧ.

Леткаса йӧз, вӧтлӧй сэтшӧм шленъястӧ тӧвариществосьыд, наысь дзик нинӧм.

Т.