СЮ ӦЗИМЪЯС ТШЫКИНЫ КӦДЗЫД ВӦСНА

Ид кӧйдыс эз тырмы. Вайӧм кӧйдыс чужӧ омӧля.

Проньдор вӧлӧсьтын сю ӧзимъяс таво лым улысь петісны сӧмын коймӧд юкӧныс, дай сійӧ тшыки тулыснас кӧдзыд поводдя вӧсна. Кодӧс вӧлі кӧдзӧма колян арнас вайӧм роч кӧйдысӧн, лым улысь петіс сӧмын куш муыс. Тулыснас ставсӧ лои мӧд пӧв кӧдзны идйӧн.

Ид кӧдза кӧдзны мукӧдыс заводитіс водз, сӧмын бурыс эз ло: петасыс кынмис кӧдзыд вой тӧла тулыс вӧсна. Уналы кӧдзнысӧ ид кӧйдысыс эз тырмы, муяс колины кӧдзтӧмӧсь. Волисполкомсянь вӧлі корӧма 720 пуд, да сӧмын 480 пуд вермисны вайнысӧ; дай вайӧм кӧйдысыс зэв омӧля чужис, сё тусь пиысь сӧмын чужӧ комын куим.

Селькор № 65.