ГӦРД АРМИЯЫН СЛУЖИТЫСЬ ДА КОММУНИСТ ГЫРЫСЬ ШКОЛАЯСЫН (КОМВУЗ), РАБОЧӦЙ ФАКУЛЬТЕТЪЯСЫН ДА СОВПАРТШКОЛАЯСЫН ВЕЛӦДЧЫСЬ СЕМЬЯЯСЛЫ КОКНЬӦД СЕТӦМ ЙЫЛЫСЬ

РАБОЧӦЙ, КРЕСТЬЯНА ДА ГӦРДАРМИЯСА ДЕПУТАТЪЯС СӦВЕТЪЯС КОМИ АВТОНОМИЯА ОБЛАСЬТУВСА ИСПОЛНИТЕЛЬНӦЙ КОМИТЕТЛӦН ШУӦМ

1925/26 во вылӧ видз-му налог йылысь май 7-ӧд лунӧ 1925 воӧ лӧсьӧдӧм положенньӧ кузя 34 да 35 статьяяс серти Обласьтувса Исполнительнӧй Комитет шуис:

§1.

1) Рабочӧй-крестьяна Гӧрд Армияын, Гӧрд Морскӧй да Лэбалан Флотын, Государственнӧй Политическӧй Управленньӧ войскаясын да милицияын служитысь (красноармеечьяс, война вылӧ велӧдчысь курсантъяс, командиръяс, администрация, политическӧй, медицинскӧй да ветеринарнӧй удж нуӧдысьяс) семьяяслы (овмӧслы, кӧзяйстволы); 2) Рабочӧй-Крестьяна Гӧрд Армия да Флот запасысь да пыр кежлӧ Армияысь лэдзӧм йӧз пӧвстысь уджалысь том йӧзӧс велӧдӧм вылӧ босьтӧм йӧз (инструкторъяс, командиръяс) семьяяслы (овмӧслы, кӧзяйстволы); 3) военнӧй служба вылын служитлысь да 1925 вося март 1-й лун бӧрын гортӧ лэдзӧм (запасӧ кӧть дзикӧдз) семьяяслы (овмӧслы, кӧзяйстволы); 4)^4-ӧд пункт содтӧма веськӧдӧм серти/^ Медводдза куим инвалид группа улысь войнавывса инвалид семьяяслы (овмӧслы, кӧзяйстволы); 5) совпартшколаясын, коммунист университетъясын да рабочӧй факультетъясын велӧдчысь семьяяслы (овмӧслы, кӧзяйстволы) — сетсьӧны со кутшӧм кокньӧдъяс:

а) Видз-му вот пукталігӧн вылынджык индалӧм йӧзӧс ставнысӧ лыддьыны сёйысь (едок) туйӧ. Курсантъясӧс, командиръясӧс, административнӧй, политическӧй, медицинскӧй да ветеринарнӧй удж нуӧдысьясӧс да уджалысь том йӧзӧс велӧдысь командиръясӧс да инструкторъясӧс лыддьыны кык сёйысь туйӧ быд мортӧс, а посни командиръясӧс, кодъяс срок тырӧм бӧрын служитӧны, — куим сёйысь туйӧ быд мортӧс;

б) овмӧсын кӧ видз-му да скӧт муӧ вуджӧдӧмӧн сёйысь юрӧ десятина джын сайӧ оз пет да мукӧд уджалысьяс кӧ (уджавны вермысь мужчина) абу, мынӧны став налогсьыс; уджавны вермысь мужчинаяс кӧ эмӧсь — мынӧны джын налогсьыс; посни командиръяслӧн, кодъяс срок тырӧм бӧрас нин служитӧны, овмӧсныс мынтӧны сӧмын коймӧд юкӧн налогсӧ (эм кӧ гортас уджавны вермысь мужчина).

в) Овмӧсын кӧ видз-му да скӧт муӧ вуджӧдӧмӧн сёйысь юрӧ нормаӧн джынйӧнысь (десятиналӧн 75 прӧчент) оз пет да мукӧд уджалысьяс кӧ (уджавны вермысь мужчина) абу, мынтӧны джын налогсьыс; срок тырӧм бӧрын служитысь посни командиръяслӧн овмӧсныс мынӧны кык пайсьыс коймӧд юкӧнса налогсьыс (мынтӧны сӧмын коймӧд юкӧнсӧ).

г) Овмӧсын кӧ абу уджалан скӧт, мынӧны налог мынтӧмысь дзикӧдз (мукӧд скӧтыс кӧть сэсся мыйта).

д) Овмӧслы кӧ «б», «в» да «г» пунктъяс серти кокньӧд оз сетсьы, мынӧны нёльӧд юкӧн налогсьыс, видз-му да скӧт кӧть сэсся мыйта. Войнавывса инвалидъяс тайӧ бӧръя пункт улас оз сюрны.

§2.

1-й §-ын лӧсьӧдӧм кокньӧдъяс сетсьӧны сідз жӧ, ньӧти чинтытӧг, 1925ʼ во вылын босьтӧм йӧз (призывайтӧм) семьяяслы (овмӧслы, кӧзяйстволы).

§3.

Территориальнӧй часьтъясӧ велӧдчыны да сбор вылӧ босьтӧм йӧзлы позьӧ нюжӧдчыны налог мынтӧмысь бӧр гортӧ воан лунсянь ӧти тӧлысь. Сійӧ нюжӧдчӧмсьыс пеня оз босьтсьы.

§4.

1, 2 да 3-ӧд §-ясын индалӧм йӧзлӧн овмӧсъяс, 1 да 3-ӧд §-ясын лӧсьӧдӧм кокньӧдъясӧн кындзи, пӧльзуйтчӧны став мукӧд кокньӧднас, кутшӧмӧс лӧсьӧдӧма 1925/26 во вылӧ видз-му налог йылысь положенньӧӧн.

§5.

Тайӧ шуӧмын лӧсьӧдлӧм кокньӧдъяс вӧчалӧны налог пукталігӧн Волисполкомъяс, торъя корсьысьӧм (клопочитӧм) некодсянь оз ков. Ӧткымын овмӧсъяс мыйлакӧ кӧ кольӧны, волисполкомлы шуӧма сетны сійӧ кокньӧдсӧ налог пукталӧм бӧрас, 1925ʼ вося декабр 15-ӧд лунӧдз (1-й мынтысян срокӧдз кык вежон тыртӧдз).

Содтас: кокньӧд босьтысьяслӧн колӧ лоны документъяс: военнӧй часьтысь либӧ велӧдчанінысь, а войнавывса инвалидъяслӧн — Вермытӧмъяслы отсалан обласьтувса юкӧдысь (Собесысь).

§6.

Гӧрд армияын служитысь семьяяслы видз-му налог йылысь положенньӧын лӧсьӧдлӧм кокньӧдъяс сеттӧмысь либӧ чинтӧмысь мыжмӧны налог пукталысь должносьта йӧз РСФСР-са уголовнӧй закон чукӧр серти 106-ӧд ст. кузя (РСФСР-са ЦИК-лӧн да НКС-лӧн 1925 вося февраль 9-ӧд лунся циркуляр, № ІІV 84.86/І).

§7.

Тайӧ шуӧм кузя удж нуӧдӧмсӧ шуӧма наблюдайтны Обласьтувса Финанс юкӧдлы. Сылы жӧ тшӧктыссьӧ сетны волисполкомъяслы да Фининспекторъяслы та кузя колана туйдӧдъяс.

§8.

Тайӧ шуӧмыс лоӧ вына йӧзӧдан (публикуйтан) лунсянь.

Обисполкомса председательӧс вежысь Нахлупин.

ОИК делӧясӧн управляйтысь Бергер.

№ 5290.

Юнь 11 лун 1925 во,

Сыктывдінкар.