ГЫРЫСЬ СКӦТӦС ДА ОЙДЛАНА ДА ОЙДЛЫТӦМ ВИДЗЬЯС МУӦ ВУДЖӦДАН НОРМАЯС ЙЫЛЫСЬ

РАБОЧӦЙ, КРЕСТЬЯНА ДА ГӦРДАРМИЯСА ДЕПУТАТЪЯС СӦВЕТЪЯС КОМИ АВТОНОМИЯА ОБЛАСЬТУВСА ИСПОЛНИТЕЛЬНӦЙ КОМИТЕТЛӦН ШУӦМ

1925/26 во вылӧ видз-му налог йылысь лӧсьӧдӧм положенньӧ серти Обласьтувса Исполнительнӧй Комитет арталіс, ёна-ӧ сиктъясын да вӧлӧсьтъясын гырысь скӧт вайӧ доход да ёна-ӧ оз ӧткодясьны муяскӧд видзьяс, медым эськӧ налогыс вӧлі видз-муысь и скӧтысь ӧтпертас. Ставсӧ тӧдмалӧм-арталӧм бӧрын Обласьтувса Исполнительнӧй Комитет шуис:

§1.

Уездъяс да вӧлӧсьтъяс кузя гырысь скӧтӧс (мӧсъяс, ӧшъяс) муӧ вуджӧдан норма лӧсьӧдны со кутшӧмӧс:

Сыктыв уезд кузя — Выльгорт, Слӧбӧда да Кӧдзвыв вӧлӧсьтъясын ӧти мӧс либӧ ӧш лыддьыны 0,45 десятина му туйӧ; Зеленеч вӧлӧсьтын — 0,43 дес.; Паджга, Сёська, Нюкчим, Ыб, Визин, Чуклӧм, Межадор, Волся, Кебра, Палаззя, Поёл, Грива, Ужъя, Койгорт, Кажым, Лёй, Абъячой, Лузйыв, Ношуль, Сернӧс, Читаёв, Лэт да Спасорд вӧлӧсьтъясын — 0,35 десятина му туйӧ.

Кулӧмдін уезд кузя быд вӧлӧсьтын — 0,40 десятина му туйӧ.

Емдін уезд кузя — Туръя, Сёська, Туръяыб (Онежйӧ), Видз да Емдін вӧлӧсьтъясын — 0,45 дес.; Паль, Час, Пожӧг, От, Айкатыла, Гам, Зӧвсьӧрт, Серегов, Серегов гӧра да Ыб вӧлӧсьтъясын — 0,43 дес.; Удора кузя — Слӧбӧдка, Сёльдін, Йӧртымдін, Вашка, Ёвкӧдж да Кослан вӧлӧсьтъясын — 0,40 десятина му туйӧ.

Изьва-Печӧра уезд кузя — Галпи, Щельяюр, Няша, Кыдзкар, Колва, Кипиёва, Усвавом да Петрунь вӧлӧсьтъясын — 0,43 дес.; Уквавом, Кедвавом, Кулим, Изьва, Гам, Мокчой, Букур, Ыб, Краснобор, Кӧжва да Лыжавом вӧлӧсьтъясын — 0,40 десятина му туйӧ.

§2.

Уджалан скӧтӧс (вӧвъяс) муӧ вуджӧдан норма. Вӧдитчан вӧвъяс Коми обласьт пасьта быдлаын ӧти пӧрӧда, найӧ вайӧны доход быдлаын ӧткодя. Сы понда быд уездӧ, вӧлӧсьтъясӧ да сиктъясӧ лӧсьӧдны ӧти пӧлӧс норма — 0,5 десят. (ӧти вӧлӧс лыддьыны десятина джын му туйӧ).

§3.

Уездъясӧ, вӧлӧсьтъясӧ да сиктъясӧ ойдлан видзьяс муӧ вуджӧдан норма лӧсьӧдны со кутшӧмӧс:

Сыктыв уезд кузя — Кӧдзвыв вӧлӧсьтын — 0,40 дес.; Волся да Межадор вӧлӧсьтъясын — 0,35 дес.; Слӧбӧда, Выльгорт, Зеленеч, Паджга, Сёська, Нюкчим, Ыб, Визин, Чуклӧм, Кебра, Поёл, Грива, Ужъя, Кажым, Лёй, Абъячой, Сернӧс, Читаёв, Лэт да Спасорд вӧлӧсьтъясын — 0,34 десят.; Палаззя, Койгорт да Лузйыв вӧлӧсьтъясын — 0,33 дес.; Ношуль вӧлӧсьтын — 0,30 десятина му туйӧ.

Кулӧмдін уезд кузя — Керчомъя вӧл. — 0,37 дес; Тшугырдін, Саваяг да Мылдін вӧлӧсьтъясын — 0,36 дес.; Позты, Мордін, Визябӧж, Кӧрткерӧс, Маджа, Шойнаты, Одыб, Пӧддельнӧй, Вомын, Нёбдін, Важкуа, Пезмӧг, Кулӧмдін, Дереваннӧй, Руч, Аныб, Воч, Нэмдін, Мыс, Пожӧг, Помӧсдін да Изьвайыв вӧлӧсьтъясын — 0,35 дес.; Ыджыдвидз да Висер вӧл. — 0,30 десятина му туйӧ.

Емдін уезд кузя — Час, Паль, Пожӧг, От, Емдін, Айкатыла, Гам, Зӧвсьӧрт, Ыб, Серегов гӧра, Слӧбӧда, Сёльдін, Йӧртымдін, Вашка, Ёвкӧдж да Кослан вӧлӧсьтъясын — 0,36 дес.; Туръя, Сёська, Туръяыб (Онежйӧ) да Виз вӧлӧсьтъясын — 0,20 десятина му туйӧ.

Изьва-Печӧра уезд кузя — Галпи, Щельяюр, Няша, Кыдзкар, Кипиёва да Усвавом вӧл. — 0,38 дес.; Колва, Петрунь, Кӧжва да Лыжавом вӧл. — 0,36 дес.; Уквавом, Кедвавом, Кулим, Изьва, Гам, Мокчой, Букур, Ыб да Краснобор вӧлӧсьтъясын — 0,35 десятина му туйӧ.

§4.

Ойдлытӧм видзьяслы муӧ вуджӧдан норма лӧсьӧдны со кутшӧмӧс:

Емдін уездувса — Туръя, Сёська, Туръяыб (Онежйӧ) да Виз вӧлӧсьтъяслы — 0,18 дес.; став мукӧд уездъяслы да вӧлӧсьтъяслы — 0,25 десятина му туйӧ.

§5.

Тайӧ шуӧмын лӧсьӧдӧм скӧтлы да видзьяслы муӧ вуджӧдан нормаяс 1925/26 налогӧвӧй во чӧж уисполкомъяслы ни волисполкомъяслы вежлавны некутшӧма оз позь.

§6.

Тайӧ шуӧмсӧ помӧдз нуӧдны (удж нуӧдны) шуӧма вӧлӧсьтувса исполнительнӧй комитетъяслы.

§7.

Тайӧ шуӧм серти вӧчӧмсӧ (удж нуӧдӧмсӧ) шуӧма видзӧдны обласьтувса финанс юкӧдлы.

§8.

Тайӧ шуӧмыс лоӧ вына «Югыд туй» либӧ «Коми Сикт» газетъясын юӧртӧм лунсянь.

Обисполкомса председательӧс вежысь Нахлупин.

Обисполком президиумлӧн делӧяссӧ нуӧдысь Бергер.

№ 5291.

Юнь 11 лун 1925 во.

Сыктывдінкар.