ЛӦСЬӦДАВНЫ УЕЗДЪЯСЛЫ, ВӦЛӦСЬТЪЯСЛЫ, СИКТЪЯСЛЫ 1925−1926 ВОСЯ СЕЛЬСКОКӦЗЯЙСТВЕННӦЙ НАЛОГӦ РАЗРЯДЪЯС ДА СТАВКАЯС
РАБОЧӦЙ, КРЕСТЬЯНА ДА ГӦРДАРМИЯСА ДЕПУТАТЪЯС СӦВЕТЪЯС КОМИ АВТОНОМИЯА ОБЛАСЬТУВСА ИСПОЛНИТЕЛЬНӦЙ КОМИТЕТЛӦН ШУӦМ
Положенньӧ 1925−1926 вося сельхозналог кузя, Обласьтувса Исполнительнӧй Комитет, тӧдмалӧм бӧрын — кутшӧмджыка олӧны быд вӧлӧсьтын, сиктын, кутшӧмджык боки нажӧткаяс эмӧсь видз-му уджалӧм кындзи, сідзжӧ мукӧдторъяс, кодъяс бурмӧдӧны-ӧ, омӧльтчӧдӧны-ӧ олӧмсӧ вӧлӧсьтлысь, сиктлысь, — шуис:
§1.
1925−26 вося сельхозналог положенньӧ серти, Коми обласьт кузя лӧсьӧдӧма сельхозналогын 5 разряд. Уездъяслы сы вӧсна лӧсьӧдӧма шӧр разрядсӧ — 5-ӧдсӧ.
§2.
Тайӧ шуӧмсӧ 1-ӧд §-са серти вӧлӧсьтъяслы, сиктъяслы лӧсьӧдны со кутшӧм разрядъяс:
Сыктыв уезд кузя — вӧлӧсьтъяслы: Кӧдзвыв — 7 разряд. Выльгорт, Визин, Ыб, Межадор, Нювчим, Поёл — 6 разряд; Слӧбӧда, Зеленеч, Паджга, Сёська, Чуклӧм, Волся, Палаззя, Грива, Койгорт, Лойма, Абъячой, Спасорд — 5 разряд; Кебра, Ужга, Ношуль, Кажым, Сернӧс, Читаёв — 4 разряд; Лузйыв, Летка — 3 разряд.
Кулӧмдін уезд кузя — вӧлӧсьтъяслы: Шойнаты, Вомын, Нёбдін, Кулӧмдін, Маджа, Одыб, Висер, Ыджыдвидз, Пезмӧг — 7 разряд; Визябӧж, Кӧрткерӧс, Мордін, Руч, Помӧсдін, Мылдін, Тшугырдін — 6 разряд; Позты, Керчомъя, Мыс, Пожӧг, Изьвайыв — 5 разряд; Важкуа, Дереваннӧй, Аныб, Немдін — 4 разряд; Саваяг — 3 разряд; Воч — 2 разряд.
Емдін уезд кузя — вӧлӧсьтъяслы: Туръя, Сёська, Туръяыб, Виз, Слӧбӧда, Сёльдін, Йӧртымдін, Вашка погост, Ёвкӧдж, Кослан — 5 разряд; Час, Паль, Пожӧг, Емдін, Айкатыла, Гам, Зӧвсьӧрт, Серегов, Серегов гӧра — 4 разряд; Ыб, От — 3 разряд; Виз вӧлӧсьтувса Синдор сиктлы — 3 разряд; Айкатыла вӧлӧсьтувса Ыджыд Айкатыла да Шожым сиктъяслы — 5 разряд; Вашка погост вӧлӧсьтувса Вашка погост сиктлы — 6 разряд; От вӧлӧсьтувса Аквад сиктлы — 5 разряд.
Изьва-Печӧра уезд кузя — вӧлӧсьтъяслы: Краснобор, Щельяюр, Изьва — 6 разряд; Гам, Букур, Ыб, Галово (Усьт-Ижма сикт кындзи) — 5 разряд; Кӧжва, Колва, Кипиёва, Уквавом, Лыжавом, Кедвавом, Кулим, Мокчой, Кыдзкар, Петрунь да Галпи вӧлӧсьтувса Усьт-Ижма сиктлы — 4 разряд; Ухта, Няшабӧж — 3 разряд.
§3.
Такӧд ӧтпырйӧ туйдӧдчӧ налог ставкаяс, код серти колӧ туйдӧдчыны став Коми обласьт кузя:
| Налог лӧсьӧдан разрядъяс. | Медводдза ставка кузя налог улӧ пырӧ ¼ десятинаӧн сёйысь вылӧ. | Мӧд ставка кузя налог улӧ пырӧ ¼ десятинасянь ¾ десятинаӧдз сёйысь вылӧ. | Коймӧд ставка кузя налог улӧ пырӧ кольӧмыс ¾ десятина бӧрын сёйысь вылӧ. | |||
| шайт | ур | шайт | ур | шайт | ур | |
| І. | — | 60 | 2 | 50 | 2 | 35* |
| ІІ. | — | 65 | 2 | 75 | 3 | 30 |
| ІІІ. | — | 75 | 3 | 10 | 3 | 65 |
| ІV. | — | 80 | 3 | 40 | 4 | 05 |
| V. | — | 90 | 3 | 80 | 4 | 50 |
| VІ. | 1 | 00 | 4 | 20 | 4 | 95 |
| VІІ. | 1 | 10 | 4 | 60 | 5 | 45 |
| VІІІ. | 1 | 20 | 5 | 05 | 6 | 00 |
| ІX. | 1 | 30 | 5 | 55 | 6 | 60 |
§4.
Тайӧ чуйдӧдӧм налог лӧсьӧдан разрядъяссӧ да ставкаяссӧ 1925−26 воын уездувса да вӧлӧсьтувса Исполкомъяс вежны оз вермыны.
§5.
Тайӧ шуӧмас лӧсьӧдӧм налог разрядъяс да ставкаяс кузя налогъяс лыддьыны, сідзжӧ разӧдны чукӧра да ӧтка олысьяслы окладнӧй листъяс тшӧктыссьӧ вӧлӧсьтувса Исполнительнӧй Комитетъяслы.
§6.
Тайӧ шуӧм сертиыс уджсӧ нуӧдны тшӧктыссьӧ вӧлӧсьтувса Исполнительнӧй Комитетъяслы.
§7.
Видзӧдны, медым тайӧ шуӧм кузя уджыс мунас веськыда да закон серти, сідзжӧ тайӧ шуӧм серти мӧдӧдавны туйдӧдъяс да тшӧктӧмъяс сельхозналог йылысь тшӧктыссьӧ обласьтувса финансӧвӧй юкӧдлы.
§8.
Финанс Комиссариат да обласьтувса финанс юкӧдса 1925−26 вося сельхозналог йылысь удж нуӧдан туйдӧдъяс да тшӧктӧмъяс серти вӧлӧсьтувса Исполнительнӧй Комитетъяслы удж нуӧдны быть.
§9.
Тайӧ шуӧм вынсялӧ «Югыд туй» либӧ «Коми Сикт» газетӧ лэдзан лунсянь.
Коми Обисполкомса председательӧс вежысь Нахлупин.
Обисполкомса президиумын делӧяссӧ нуӧдысь В. Бергер.
№ 5292.
Юнь тӧлысь 11 лун 1925 во.
Сыктывдінкар.
