ПОЛЬШАЫН МИЯН ПРЕДСТАВИТЕЛЬСТВО ВЫЛӦ УСЬКӦДЧЫЛӦМАӦСЬ БЕЛОГВАРДЕЕЧЬЯС

Польшаса правительство кӧсйӧ чорыда мыждыны найӧс

ВАРШАВА. Юнь 6-ӧд лунӧ кык час войын садьтӧм код белогвардееч чукӧр да ӧти оружйӧа варшаваса пӧличаысь чиновник Момер пырисны Сӧвет представительствоӧ. Представительствоас дежуритысь ёртъяс найӧс сувтӧдісны да тшӧктісны петны бӧр керкасьыс. Белогвардеечьяс матькигтырйи заводитісны пыдӧджык пырны. Сэсся дежуритысьясыс кымыныськӧ лыйисны вывлань, да сӧмын сэки белогвардеечьясыд зэв ӧдйӧ кытчӧкӧ мунісны. Сӧвет представительствоысь Геледовскӧй ёрт ветліс польшаса мукӧд государство кост удж нуӧдысь министерствоса чиновник Бадер дінӧ да тшӧктіс мыждыны мыжаяссӧ. Бадер кӧсйысис чорыда мыждыны уськӧдчылысьяссӧ.