ПОШТА КУД

Час. Пеля мортлы. «Збыль абу нӧ» гижӧдыд оз мун. Тӧдмав гӧгӧрбок да гиж.

Туръя. Околы. Стихотворенньӧясыд абу шыльыдӧсь, газетын оз мунны. Гиж прозаӧн, лӧсьыдджык лоӧ.

Туръяыб. Спартаклы. Шогмана гижӧдъястӧ сюйим газетӧ. Мукӧдыс оз мунны, коланторйыс абу да.

Позтыса волисполкомлы. Ті асланыд вочакывйӧн селькор Изъюровлы онӧ соссьысьӧй пионеръясӧс прӧскурня керкасьыд да. Сэсся гижанныд — сетім пӧ мӧд керка. Изъюровыд ӧд гижӧ жӧ та йылысь. Сӧмын пӧ тай вӧчтӧм (ремонтируйттӧм) керка-а. Ӧні кӧ вӧчинныд и, лӧсьыд. Пионеръяслы инӧ бара лои керка.

Горскаялы. Ыб. «Пемыд мужиклы» вочакывйыд оз мун.

Шамановлы. Мордін. Вочакывйыд МОПР-са шленъяслысь сьӧм нуӧм йывсьыд оз мун. Судӧ сетны гижысьӧс аслад делӧ.

Скӧрӧдум. Потребобществоса ревизионнӧй комиссиялы. Вочакывйыд «нелючки уджалӧ приказчик» гижӧд вылӧ оз мун. Ті нинӧм вочасӧ онӧ гижӧй.

Липинлы. Воч. Тэнад вочакывйыд оз мун. Тэ он гиж паныдсӧ селькор гижӧд вылӧ нинӧмтор.

Чуклӧм. Шпал вӧчысьлы. «Северолес контораын» гижӧдтӧ ыстім РКИ-ӧ.

Паджга. Видзӧдысьлы. Мый йылысь гижан газетын, вӧлі нин да, сы вӧсна огӧ печатайтӧ. Гиж водзӧ.

Дань. Опонь пилы. Ликпунктад велӧдчыны лэдзтӧмтӧ колі висьтавны исполкомад. Велӧдчӧмысь кутны оз вермыны.

Позтыкерӧс. Худяевлы. «Комсомол содӧ» да «Лыддьысян керка» гижӧдъясад тӧдчанаторйыс нинӧм абу. Газетын оз мунны. Сэсся тыр ним-ов колӧ пасйыны быд гижӧд помӧ.

Кӧрткерӧс. Сьӧд юрлы. «Кӧрткерӧсса лавка» гижӧдыд сёрмис.

Выльгорт. Эзысьлы. Быд гижӧд помӧ колӧ пасйыны ассьыд тыр ним-ов да оланін, сытӧг газетӧ гижӧдъястӧ огӧ печатайтӧ.

Ленинград. Ылысь кылысьлы. «Гӧтрасьӧмыд» оз мун. Сідз кӧ вӧчис, комсомолсьыс вӧтлін — дай пом.

Кӧрткерӧс. Селькорлы. Радейтӧны кӧ коми газет, кутчысь лӧсьӧдны газетлы отсасян кружок. Кыдзи лӧсьӧдныс, ми гижлім газетын.

Висер. Присутствующӧйлы. Ӧтитор босьтім газетӧ. Мукӧдыс сёрмисны.

Проньдор. Еджыд юр Ёгорлы. Тӧдчытӧмтор йылысь гижан да, оз мунны газетӧ.

Кырув. Чирклы. Пионеръяс йывсьыд гижӧдыд газетын оз мун, нинӧм тӧдчанаторйыс абу.

Помӧсдін. Ачымлы. Тэ гижан: «Кольны кутіс ыджыд лун». Миян ёна нин важӧн колис ыджыд луныд. Газетӧ оз мун.

Т. Подоровлы. Частушкаясыд абу артмӧмаӧсь. Газетын оз мунны.

Помӧсдін. Пионер Зілы. «Квайт другыд» — ичӧтиктор, оз мун газетын.

Вомынбӧж. Аддзылысьлы. Ӧти-кӧ, поп ветлӧм йывсьыд гижӧдыд вывті сёрмис, мӧд-кӧ, код нӧ оз тӧд поплысь горшлунсӧ, сы йылысь нинӧм нин газетӧ гижны.

Пожӧг. Шомысовлы. Самӧкур пуысь йывсьыд гижӧдтӧ ыстім Административнӧй юкӧдӧ.

Мылдін. Каплялы. «Бабаяслӧн чукӧртчылӧмыд» вывті сёрмис.

Мӧсьӧрпом. Крестьянин пилы. Нӧйтӧмсьыс зонсӧ колӧ судӧ сетны. Быд кучкӧм йылысь газетӧ гижны местаыс оз тырмы.

[...]