ОМӦЛЬ КӦ ЮРАЛЫСЬЫД, НЕКУТШӦМ УДЖ ОЗ МУН

Ыбпом сиктын (Ужга вӧлӧсьт, Сыктыв у.) 1922 восянь нин эм сельскокӧзяйственнӧй артель. Артельыс асланыс шленъяслы судзӧдіс вартан машина да кык тӧлӧдчан машина. Медъёна артельыс зільӧ косьтыны нюр.

Артельсӧ восьтӧм бӧрын зэв ӧтвылысь чорыда босьтчылісны шленъясыс уджавны. Сэки удж нуӧдысьясыс вӧліны гӧлиник крестьяна. Ӧні артеляс бӧрйисны удж нуӧдысяс важ купечӧс, А. Д. Кармановӧс, да уджыс нинӧм оз тыдав, дзикӧдз сувтіс. Шуласны ӧткымын шлен нюр косьтӧм йылысь, колӧ пӧ заводитчины нюрсӧ косьтыны да колӧ пӧ собранньӧ чукӧртлыны — Кармановыд сӧмын кӧсйысяс коркӧ вӧчны, да некор оз вӧчлы. Став уджсӧ сійӧ сувтӧдӧ.

Вартан да тӧлӧдчан машинаясыд сідзжӧ сулалӧны. Колян во тӧвнас ачыс Кармановыс вартіс машинанас, да ӧні на сійӧ гумла вылын зэр улын сулалӧ.

Корреспондент.