ЛОЙМА ВӦЛӦСЬТУВСА СЪЕЗД

Шуисны нинӧм буртор аслыныс не вӧчны, поплы кындзи

Лоймаын (Сыктыв у.) май 10 лунын вӧлі вӧлӧсьтувса съезд. Собранньӧ вылас колӧ вӧлі сёрнитны: 1) скӧтӧс страхуйтӧм йылысь. 2) Туйяс вӧчӧм йылысь. 3) Выль ногӧн уджавны му торйӧдӧм йылысь да 4) вый вӧчан артельлы керка сетӧм йылысь.

Лӧсьӧдісны: 1) Скӧт страхуйтӧмысь ӧткажитчыны. 2) Туйяс не лӧсьӧдны. 3) Вый вӧчан артельлы керка не сетны; керкасӧ сетны дякӧнлы. 4) Му-видз комиссия лӧсьӧдліс босьтны поплысь му выль ногӧн уджалӧм вылӧ; съезд лӧсьӧдіс мусӧ бӧр кольны поплы, сы вылӧ торйӧдны мусӧ мӧдлаысь.

Татысь позьӧ гӧгӧрвоны, кыдзи Лоймаын попыс йӧзнас бергӧдлӧ.

Съезд вылас попыс пыр сулаліс мужикъяс мышкын да вашкӧдіс, кор крестьяналы колӧ горзыны, кор мыйкӧ висьтавны. Поп му йывсьыс съездыслы оз и ков вӧлі сёрнитнысӧ, сӧмын попыд тӧдӧ ассьыс вынсӧ крестьяна пӧвстад да тойліс найӧс панны сійӧ сёрнисӧ.

Тайӧ лунъясӧ сэсся попыд косяліс тшӧктытӧг потшӧссӧ нардом дінысь.

Позьӧ шуны, миян поп некутшӧм Сӧвет власьтӧн тшӧктӧм вылӧ оз видзӧдлы.

Колӧ жӧ эськӧ тайӧ поптӧ весавны да. Сійӧ сӧмын йӧзӧс пемдӧдӧ, сьӧктӧдӧ.

Тайник.