КОМСОМОЛСА ЧАСТУШКАЯС

Ен кӧ абу — оз и ков,
Сытӧг бура сёйсяс.
Комсомолӧ гижсям ми,
Лӧсьыдджыка овсяс.

Висьтавлӧны: «Райын эм...
Святӧй бура уна».
Огӧ сэтчӧ кайӧ ми,
Комсомолӧ мунам!

Пӧрысь йӧзӧн вичко тыр,
Юрбитӧны ёна.
Ог ме сэтчӧ некор пыр,
Комсомол мем дона!

Адын, шуӧны, зэв жар,
Киссьӧ сэні пӧсьыд...
Сэтчӧ миянӧс он сюй,
Му вылын зэв лӧсьыд!

Озыр вӧлі — да эз ло,
Гӧльлы лои вӧля...
Ӧні озырмам и ми,
Огӧ олӧй гӧля!

С.—П.