ГЕОРГИЙ СТЕПАНОВИЧ ЛЫТКИН

6-VІ 1835 − 6-VІ 1925

Талун тыри 90 арӧс чужӧмсяньыс. Олам 10 во — тырӧ 100 во. Лыткинӧс огӧ вунӧдӧй ӧні, огӧ вунӧдӧй сэки. Огӧ вунӧдӧй сы понда: медсьӧкыд кадъясас коми йӧзлы корсис туйсӧ, коми кывлы, коми гижӧдлы писькӧдіс ёль. Ӧні сійӧ ёльыс пӧри юӧ, пыр паськалӧ.

Коми нывъяслы талун медъёна колӧ Лыткинӧс гарыштлыны: медвойдӧр Лыткин гижис, пессис, мед коми нывбабаяс велӧдчасны, олӧмсӧ, коми олӧмсӧ бурлань вежыньтасны. Коми кыв тӧдӧмӧн Лыткин ӧнӧдз на зэв ён, шыльӧдӧмӧн мольӧдӧм ва коми кыв сы кодясӧ ӧтик-кык гижысь на сӧмын кужӧны гижны.

Мед олас Лыткинӧс казьтылӧм коми йӧз пиын!