ШОБТӦГ ОЗ ЛЭДЗНЫ САЛДАТЫСЬ

Вена. Посолъяслӧн конференцияыс лӧсьӧдліс чинтыны Болгариялысь армиясӧ дас сюрс мортӧн.

Ӧні Софиясянь юӧртӧны, болгарияса правительство пӧ тшӧктӧма сійӧ конференция лӧсьӧдӧм сертиыс лэдзавны (демобилизуйтны) дас сюрс мортӧс. Лэдзалӧм водзвылас вӧлӧма зэв уналаын шобсьӧмъяс (обыскъяс), зэв унаӧс арестуйталӧмаӧсь. Уличаясыс София карас дзик тыртӧмӧсь, лавкаяс пӧдсаӧсь, газетъяс абу петӧмаӧсь. Болгарияса пӧлича висьталӧм серти, арестуйталігас тшӧтш сюрӧмаӧсь коммунистъяс да крестьяна союзысь шленъяс, кодъясӧс пӧличаыс вӧлӧм важӧн нин корсьӧ.