ЭЙ! КЫТЧӦ ТУРКИНЛӦН ГИЖӦДЫС ВОШИ?

Попкерӧсса (Емдін у.) крестьянинлӧн Туркин Григорей Петрӧвичлӧн Северолеслы кер лэдзигӧн тӧвнас вӧлыс кулі. Усьӧм вӧвсьыс медым сетасны Северолессяньыс сьӧм, Туркиныд ыстыліс гижӧд Обласьтувса союз деревообделочников юкӧдӧ. Сійӧ гижӧдыскӧд ыстіс тшӧтш колан документъяс. Тӧлысь мысти Туркиныд бара ыстіс сэтчӧ гижӧд — юаліс, мый лои сылӧн воддза гижӧднас. Коли ещӧ тӧлысь кымын — некутшӧм юӧр эз во.

Туркин (гӧлиник, ыджыд семьяа крестьянин) шуавліс меным: колӧ пӧ, буракӧ, сетны калым, сытӧг пӧ, тыдалӧ, нинӧм оз ло.

Союз деревообделочниковлы эськӧ колӧ лӧсьыдджыка уджавны да зільныджык отсавны ассьыныс пикӧ воӧм шленъясыслы (Туркиныс шленын).

Сэтчӧс.