***

«Правда» газет юнь тӧлысся 2-ӧд лунся номерас гижӧ статья «Закон серти уджалӧй».

Тайӧ статьяас гижӧ:

Тайӧ чукӧстчӧм (шуӧм) сертиыс колӧ таво нуӧдны сельхозналог босьтан удж. Тавося сельхозналог йылысь законын ми аддзам йӧзлысь кӧзяйство кыптӧм, аддзам государствоса доходъяслысь содӧмсӧ, аддзам, мый колӧ нуӧдны миянлы деревняын.

Сельхозналог ёна тӧдчӧ деревняса олӧмын, ёна тӧдчӧ крестьяна уджын дай овмӧсын.

Сельхозналог серти, сійӧс босьтӧм серти, сы кузя удж нуӧдӧм серти, сійӧ сьӧкыдлун серти крестьянин медвойдӧр видзӧдлӧ Сӧвет власьт удж вылӧ, шуасьӧ сійӧ удж йылысь. Сельхозналог серти крестьянин аддзӧ и партияӧн деревняын нуӧдан политикасӧ. Куш тайӧ висьталӧм вӧснаыс нин колӧ, медым налог босьтан удж нуӧдӧма вӧлі дзик закон серти. Колӧ вӧчны сідзи, медым быд крестьянин тӧдӧ вӧлі, кутшӧм разрядӧн, кутшӧм ставкаясӧн сійӧ мынтӧ налогсӧ. Колӧ кадын босьтны учёт вылӧ ставсӧ, мый вылӧ пуктыссьӧ сельхозналог. Тайӧ уджыс тайӧ кадъясын мед лоӧ медтӧдчана уджӧн. Тайӧ уджсӧ колӧ нуӧдны кыдз-мый вермам бурджыка, медъёна, нуӧдны закон серти.

Волисполкомъяслы, сельсӧветъяслы колӧ сетны законын шуӧм став правасӧ налог мынтысьяслы. Колӧ сетны став кокньӧдъяссӧ, кодъясӧс индӧма законын.

«Закон серти уджалӧй!» Татшӧм чукӧстчӧмӧн колӧ нуӧдны став уджсӧ сельхозналог кузя.