ПРӦМЫС КООПЕРАТИВЪЯСӦ ӦТУВТЧӦЙ!

Мӧскуа. Май комынӧд лунын вӧлі собранньӧ прӧмыс кооперация союзса уполномоченнӧйяслӧн. Сійӧ собранньӧ вылас Рыков ёрт шуис: кооперация паськӧдӧм удж пӧ Сӧвет правительство пуктӧ медводзӧ, лыддьӧ медыджыд уджӧн. Прӧмыс кооперация вермас лӧсьӧдны став колан тӧварсӧ, мый миянлы ӧні оз тырмы. Сэсся прӧмыс кооперацияын прӧст кадӧ крестьяналы сюрӧ нажӧтка, а крестьяналы нажӧтка ӧні зэв сьӧкыд корсьны.

Бӧръя кадас Сӧвет власьт да партия сетіс зэв уна кокньӧдъяс прӧмыслӧвӧй кустаръяслы. Сійӧ кокньӧдъясыс отсаласны кок йылӧ сувтны, паськавны прӧмыс кооперациялы.