ПОШТА КУД

[...]

Койгорт. Ивӧ пилы. Май 1-ӧд лунын вӧлӧмторсӧ тэ гижан май дас нёльӧд лунӧ, да сэсянь редакцияӧ дыркодь локтӧма. Сёрмис. Колі ӧд мӧд лунас и гижны.

Ужъя. Ужъясалы. Гиж ассьыд тыр ним-ов да оланінтӧ.

Куж. Газетӧ гижысь Лева Гришалы. Гичев йывсьыд гижӧдыд сёрмис.

Ыб. Чушканлы. Лыддьысян керка йывсьыд гижӧдыд вывті сёрмис, газетын оз мун.

Кӧрткерӧс. Плетьлы. Лӧсьӧдӧй радио кружок да висьтавлӧй йӧзыслы сыысь бурсӧ. Газетӧ гижӧмысь нинӧм.

Ужъя. Кылысь пельлы. Колӧ быд гижӧд помӧ пасйыны тыр ним-ов да оланін. Сытӧг гижӧдъясыд газетын оз мунны.

Москуловлы. Быдӧн ӧд тӧдӧны — юӧмсьыд бурыс оз ло.

Паджга. Габовлы. Воча шыасьӧмыд оз мун. Тэ, ёрт, лӧсьыда уджалан, сӧмын шуӧм лунъясӧ колӧ волывлыны лӧсьыда.

Висер. Мортлы. «Кооператив висьмӧма» гижӧдыд оз мун. Асланыд вӧлӧсьтувса исполкомад сійӧс позьӧ лӧсьӧдны.

Час. Кык Корочкинлы. Енлы эскӧм быдӧнлӧн аслас удж. Сы йылысь нинӧм газетӧ гижӧмысь.

Позтыкерӧс. Ручкалы. Гиж овсӧ поп ордад сувтысьыслысь. Оз жӧ ӧд кӧнкӧ ставыс сідз вӧч.

Койгорт. Селькор Ивӧ пилы. Попыдлы ӧд сетан кӧ, босьттӧг оз ов. Газетын оз мун гижӧдыд.

Визин. Рӧман пилы. Быд гижӧд помӧ колӧ пасйыны ассьыд тыр ним-ов да оланінтӧ.

Зӧвсьӧрт. Курыдлы. Кутшӧм сиктын, кодлы ньӧбалӧ пушнинасӧ? Сэсся колӧ гижны ассьыд тыр ним-ов.

Гаръя. Тимин ёртлы. Гижӧд веськӧдӧмыд оз мун. Неладнӧ кӧ гижӧмаӧсь, судӧ сет.

Койгорт. Ас ёртлы. Кытсюрӧ лэдзим газетӧ.