ОЗ КУЖНЫ ВУЗАСЬНЫ

Сыктывдінкарын Местхоз магазин вузасьӧ сьӧд кучикӧн. Кучиксӧ вузалӧ дзоньнас, кутан кӧ корны вундыны кӧмкот тыр вылӧ — оз сет.

Крестьяниныд, дерт, кучиктӧ дзоньнас ньӧбны оз вермы. Пыралас Местхоз лавкаад, юалас кучиктӧ сапӧг тыр вылӧ дай мунас спекулянт ордӧ. Спекулянтыд бара кужӧ вузасьныд. Сылӧн кучикыд абу дзоньнас, шӧралӧма быдсикас кӧмкот вылӧ: кӧті вылӧ, бакилӧ вылӧ, мукӧд вылӧ.

Ӧні медъёна кучикыд мунӧ. Ёна сійӧ колӧ пур кылӧдысьяслы. Нокӧ, Местхозса магазин, мӧвпышт та йылысь. Ті тай онӧ на кужӧй вузасьнытӧ.

Митрей Ӧнись.