ЕМВАЫСЬ ЙӦЗЫС УНАӦН МӦДӦДЧӦНЫ СИБЫРӦ

Емва вожсалӧн олӧмныс зэв омӧль. Гожӧмын турунсӧ пуктыны катӧны пыжӧн 200−256 верст сайӧ Емва йылӧ. Сэтісянь ыджыд пуръясӧн 10−12 доддьӧн кымын ӧтпырйӧ кылӧдӧны. Мукӧддырйи Емва косьяс вуджигӧн пуръясыс жугавлӧны да туруныс ставнас вошлӧ.

Колян арын муяс кӧдзлісны вайӧм сю кӧйдысӧн, да дзик некодлӧн нинӧм эз чуж. Ӧні сійӧ кӧдзаяссӧ выль пӧв гӧрисны да кӧдзисны ид.

Нянь быд во омӧля воӧ, дай муясыс абу тырмымӧн.

Колян арся прӧмыс вӧлі омӧль, воддза вояс серти джынсьыс этша. Йӧзыс ставыс уджйӧзаӧсь лавкаясӧ. Гӧгӧр лёк. Татшӧм лёк олӧмыс вӧсна ӧні зэв ёна муналӧны Емваысь. Унджыкыс мунӧны Сибырӧ. Ва воссьӧм бӧрын семья 15 кымын нин муніс, унаӧн на ещӧ мӧдӧдчӧны.

Н. Р—м.