ЮРАЛЫСЬЫС ЛЕТКАСА КООПЕРАТИВЫН ОМӦЛЬ

Летка вӧлӧсьтын (Сыктыв у.) кооперативын председателяс коймӧд во нин Королёв М. А., важ кулак, вӧрӧн вузасьысь. Сылӧн эм куим керка, ӧтикӧс на выйӧдз эз босьтны. Королёв быд ногӧн зільӧ тыртны ассьыс зепсӧ. Колян арын кыдзкӧ сюйсис кӧрт туй вылӧ вӧр лэдзигӧн тшӧтш уджавны вӧр бердас. Уджалӧмсьыс донсӧ мынтігӧн крестьяналы эз сет тыр дон, шуис: тайӧ пӧ кооперативад членскӧй взносъяс пыдди коля. Крестьяна ньӧти оз надейтчыны кооператив вылад татшӧм юралысьнад. Колӧ эськӧ прамӧйджыка видзӧдлыны кооператив правленньӧса йӧз вылас да индыны, кодлы позьӧ уджавны крестьяна кооперативын.

В. Г. Шикляев.