ЭСЕР ОРАЦАТОВ ВЫЛЫН ЛОӦ СУД

Сійӧ мунлӧма Сӧвет власьтлы паныд.

Уна вӧлӧма шпионъяс.

Сьӧм гусявлӧмла лоӧма зык.

Ставсӧ мыждӧны Орацатовкӧд 43 мортӧс.

Харьков. Тайӧ лунъясӧ заводитчӧ суд Орацатов вылын.

Орацатов войдӧр вӧвлӧма адвокатын, эсер партияын сулалӧ. 1922ʼ воын Орацатов локтӧма Кишинев карӧ (Бессарабияын) да висьтасьӧма крестьяна союзысь председательӧн. Сійӧ сэні висьтавлӧма — крестьяна союзлы пӧ колӧ оружйӧӧн мунны Сӧвет власьтлы паныд да шыбитны сійӧс, мед пӧ лоасны крестьяна сӧветъяс коммунистъястӧг.

Орацатов кутіс гижасьны да волысьны румынияса пӧличакӧд, францияса консулкӧд (консулыс вӧлі Кишинёвас) да россияса важ князь Николай Николаевичӧн ыстӧм морткӧд — генерал Геруакӧд. Украина пасьта лӧсьӧдіс быдлаӧ шпион чукӧръяс да кутіс нуӧдны удж Сӧвет власьтлы паныд. Генерал Геруа сылы кӧсйысис регыдик мысти ыстыны быдпӧлӧс оружйӧ. 1924ʼ воӧ, мед уджыс кутас мунны лӧсьыдджыка, Орацатов чукӧртіс сёрнитны ассьыс став агентсӧ съезд вылӧ.

Сэк кежлӧ нырщикъяс костас пансис зык, мӧда-мӧдсӧ кутісны мыждыны уна сьӧм босьталӧмысь. Сы бӧрын регыд лои став организациясӧ лэдзавны. Тайӧ делӧ кузя мыждӧны нелямын куим мортӧс.