ЗІЛЬӦНЫ ВОСЬТЫНЫ ЧЕЛЯДЬЛЫ ЯСЛИ

Кӧрткерӧсын (Кулӧмдін уездын) нывбабаяс зэв зільӧны восьтыны гожӧм кежлӧ челядьлы ясли. Вӧлі та кузя собранньӧ. Нывбабаяс шуисны шыӧдчыны ясли восьтӧм кузя коммунист ячейкаӧ. Ячейкаыс лӧсьӧдіс торъя комиссия. Комиссия шуис ясли улӧ босьтны важ купеч Казаковлысь керкасӧ, вылыс судтасӧ. Сэні куим вежӧс, пыранін дай кухня. Отсӧгсӧ ясли восьтӧм вылӧ кӧсйӧны корны потребительскӧй обществолысь, инвалидъяс лавкалысь, мӧда-мӧдлы отсасян комитетлысь да Русголландлеслысь, сэсся чукӧртны крестьяналысь коді сетас. Донсӧ яслиын шуӧны босьтны куим шайтӧн быд кагалысь. Нывбабаяс шуӧны, сійӧ пӧ дона. Колӧ кыдзикӧ донтӧгджык кага видзӧмысь босьтӧмсӧ лӧсьӧдны. Нывбабалы оз ков лэдзчыны нин тайӧ бур уджысь, восьтыны ясли.

С. П.