КӦРТКЕРӦСЫН

Гӧрӧм-кӧдзӧм муніс бура. — Сю ӧзимъяс омӧльӧсь. — Потшӧсъяс киссьӧмаӧсь. — Кӧдзӧм муяс скӧт талялӧ.

Кӧрткерӧсын (Кулӧмдін уездын) ид кӧдза муніс бура. Колян вося серти водзджык кӧдзисны. Поводдяыс вӧлі недыр мича да, май 22 лун кежлӧ ставыс гӧрсис-кӧдзсис. Весиг кӧдзисны нин шабді, гӧрисны коськӧм. Кодсюрӧ заводитчӧны пуктысьны градъяс вылӧ.

Сю ӧзим зэв омӧль, коймӧд юкӧныс кындзи мича ӧзим абу. Чужӧма омӧля.

Сэсся став йӧр потшӧсыс восьса. Кыті киссьӧма, кыті весиг майӧгыс абу. Муясыс пӧскӧтина кодь, мый исполкомыс сы йылысь оз мӧвпышт. Колӧ жӧ эськӧ исполкомлӧн йӧръястӧ потшӧдны да, дай крестьянаыслы аслыныс колӧ босьтчыны потшӧсъяс сувтӧдны.

Крестьянин пи.