ВОЧСА «БАБКА» ВИӦМА КЫК НЫВБАБАӦС

Воч вӧлӧсьтын (Кулӧмдін у.) эм кӧкъямысдас арӧса пӧрысь баба. Сійӧ зэв кужӧ бабкаавны. Ӧні неважӧн ӧти баба вӧлі корӧма сійӧс кага вайигӧн бабитчыны. Бабка котӧрӧн локтас да кутас кагатӧ кыскыны — кыскигад кагаыдлысь кыкнан кисӧ орӧдас. Сідзжӧ бабитас мӧд бабаӧс. Кыкнан нывбабаыд регыд мысти куліны.

Коми аньясӧй! Вунӧдӧй пемыд велӧдчытӧм пӧрысь бабаясыдлысь кывзӧмтӧ. Найӧ тіянӧс сӧмын виалӧны. Корӧй отсӧгсӧ акушеркалысь, пельшӧрлысь. Ветлӧй тшӧкыдджыка лыддьысян керкаад лыддьыны нигаяс, журналъяс, газетъяс. Асьныд ті сэки унатор кутанныд тӧдны, унатор гӧгӧрвоанныд, онӧ кутӧ отсӧгла шыасьны пемыд баба дінӧ.

Р—П.