ЧЖАН ЦЗОЛИНЬ ОТСАСЬӦ АМЕРИКАЛЫ ДА АНГЛИЯЛЫ

Пекин. Юӧръяс серти, Чжан Цзолинь пӧ (китайса генерал) корлӧма ас дінас, Мукден карӧ, америкаса да англияса посолъясӧс. Посолъясыслы Чжан Цзолинь кӧсйысис: Китайсьыс Америкаыслы да Англияыслы воӧм уджйӧзыс пыдди (Китайыс налысь удждыліс 40 миллион шайт) мый вермас водзсасьны большевикъяскӧд, торкны Сӧвет власьтлысь уджсӧ Маньчжурияысь, да ещӧ кӧсйысис вӧтлыны СССР-ӧс Асыввывса Китайса кӧрт туй вылысь. Юӧръяс сертиыс жӧ, неважӧн тайӧ кӧрт туй вылын зыкъясыс СССР-са да Китайса уджалысьяс костын вӧліны Чжан Цзолинь тшӧктӧм серти. Сійӧ пӧ (Чжан Цзолиньыс) ассьыс кӧсйысьӧмсӧ англияса да америкаса посолъясыслы заводитчӧ нин вӧчны.