ФАШИСТЪЯС РАБОЧӦЙЯС ВЫЛӦ УСЬКӦДЧЫЛӦМАӦСЬ

Медлинг карын (Венасянь матын) фашист чукӧр (отряд) уськӧдчылӧмаӧсь ӧти рабочӧй чукӧр вылӧ. Лыйсигас фашистъясыс ёна ранитӧмаӧсь (кувтӧг оз мын) медлингса социал-демократическӧй организацияысь председательсӧ Миллерӧс, дай тшӧтш неминучаӧн ранитӧмаӧсь ассьыныс (фашистъясыслысь) начальниксӧ. Рабочӧйяс фашистъяс вылӧ уськӧдчылӧмсьыс ёна дӧзмӧмаӧсь. Уна медлингса пабрик-заводъяс вылын рабочӧйяс мыйкӧ дыра кежлӧ дугдісны уджалӧмысь.