ПОШТА КУД

Бакуй-Батумлы. Час. Дерт, оз ков йӧзлы локтавны школаӧ челядьӧс велӧдӧм кывзыны, оз кӧ кут велӧдысьыд кывзысьястӧ ыставны, сэки кутасны унаӧн волывлыны. Уна бокӧвӧй йӧз дырйи нӧ кутшӧм велӧдӧм вермас мунны.

Кывзысьысьлы. Пожӧг. Госторгса агент йывсьыд оз мун. Кыйсьысьясыдлӧн куяс вузалӧмыд ас сайын вӧлі. Мед эз вузавны сылы дай.

Давпомсаяслы. Колі ӧд тіянлы гижны ассьыныд ним-овнытӧ. Тіянӧс тӧдтӧг нӧ кыдзи ми лэдзам газетын.

Аддзылысь мортлы. Уквавом. Олӧм йывсьыд огӧ лэдзӧй газетын, адрестӧ абу гижӧмыд да.

Видзӧдысьлы. Туръяыб. «Асьныс казялӧны да бӧрынджык» гижӧдыд оз мун. Асьныс кӧ йӧзыс босьтчисны самӧкуркӧд вермасьны, зэв бур. Гиж сы йылысь стенӧ ӧшӧдан газетад.

Селькорлы. Туръяыб. Кӧйдыс весалӧмыд ӧд абу видз-му управленньӧ сайын. Аслыныд колі сы йылысь водзджык тӧждысьны, судзӧдны машинаястӧ. Дон босьтӧм да бӧр сетны тшӧктӧм йывсьыд оз жӧ мун. Сэні мыжыс аслас волисполкомса юралысьыдлӧн. Ӧні позьӧ сьӧмсӧ сетны крестьяналысь юасьӧмӧн. Май 1-ӧд лун колялӧм йывсьыд сёрмис.

Комсомолечлы. Нёбдін. Гижӧдыд вичкоад сьылӧм йывсьыд оз мун. Гиж стеннӧй газетад.

Кывзысьысьлы. Пожӧг. Пожӧгса олӧм йывсьыд оз мун. Нинӧм тӧдчаныс уджас дай олӧмас тэнад гижӧд серти абу.

Гӧрдармееч Ветошкинлы. Ленинград. Оз мун газетын юӧрыд.

Селькорлы. Кыркӧтш. Ловъя газет йывсьыд оз мун. Ичӧттор (мелоч).