КРЕСТЬЯНА ЮГЫДЛАНЬ МУНӦНЫ

Луг сиктын (Туръя вӧлӧсьт, Емдін у.) крестьяна асьныс восьтісны «Гӧрд пельӧс» (красный уголок). Быд рыт сэтчӧ волывлӧны уна крестьяна: лыддьӧны газетъяс, нигаяс, журналъяс. Сэні жӧ комсомол ячейкаысь шленъяс вӧчавлӧны докладъяс видз-му уджалӧм йылысь, Сӧвет удж йылысь, Сӧвет государство да мукӧд государствояс удж йылысь, енлы эскӧм йылысь да мукӧдтор. Крестьяна докладъяс кывзӧны зэв бура. Крестьяна гӧгӧрвоны нин кутісны бурлунсӧ выль ногӧн уджалӧмсьыс — агрономкӧд корисны бобӧнянь кӧйдыс да турнепс кӧйдыс. Шуасьӧны нин уна пельын видз-му уджалӧм йылысь.

Коканин.