ЗБЫЛЬ КӦ ТАДЗИ — ПЫР КОЛӦ КӦЙДЫС ЫСТЫНЫ

ГАМ вӧлӧсьтын (Емдін уездын) лым улысь сю ӧзимъяс петісны зэв омӧльӧсь. Ӧзимъяс видлавны бӧрйылісны торъя комиссия. Сійӧ аддзӧма: мӧд пӧв колӧ кӧдзны 40%, тшыкӧма 40% жӧ. Сӧмын 20% ӧзимыс неуна бурджык. Крестьяналӧн кӧйдысыс кӧдзныс мӧд пӧвсӧ абу, оз тӧдны, мый вӧчны. Мӧд во кежлӧ йӧзлӧн надея коли сӧмын кер лэдзӧм вылӧ. Мукӧд крестьяналӧн ӧзимъясыс ставнас тшыкӧмаӧсь, оз нин виччысьны некутшӧм нянь воӧм. Медъёна тшыкласис, кодъяс кӧдзавлісны вайӧм кӧйдысӧн.

Д. Власов.