ВЕЖАВИДЗӦМ КУЗЯ УРОК

Вӧрса автобусын тырыс пемӧсъяс. Автобус матысмӧ остановка дорӧ. Петан ӧдзӧс дорас сулалӧ пӧрысь дзор Сан. Сы дорӧ матыстчис Кӧч да юалӧ:

— Ті, папаша, петанныд?

— Ачым тӧда, — вочавидзис Сан.

— А ме пета...

— Ачыд тӧдан, петан он...

— Но автобусыс оз виччысь, водзӧ мунас...

— Сійӧ ачыс тӧдӧ, мунас оз...

— Лэдзӧй, пӧжалуйста, мем петны...

— Вот тайӧ дзик мӧд делӧ, — шуис Сан да сетіс Кӧчлы туй.