ШТРАПЪЯС СЕЛЬХОЗНАЛОГ МЫНТЫТӦМЫСЬ ОЗ ЛОНЫ.

НАЛОГ МЫНТЫТӦМЫСЬ КУТАСНЫ МЫЖДЫНЫ УГОЛОВНӦЙ ЗАКОН СЕРТИ

Уна сикас наказанньӧяс вӧліны сельхозналог мынтытӧмысь войдӧр.

Таво (1924−1925) вӧлі весиг штрап 25 шайтӧдз.

Коммунист партиялӧн 14-ӧд конференция (вӧлі тайӧ тӧлысяс) гӧгӧрбок сёрнитіс та йылысь да шуис: медым сельхозналог вӧсна водзӧ вылӧ некутшӧм штрап эз вӧв. Та йылысь регыд Сӧвет правительство лэдзас закон (декрет).

Став мыжаяссӧ сельхозналог мынтытӧмысь кутасны закон серти судитны, некутшӧм торъя закон сыысь оз ло.

Колян воясыс индісны нин: крестьяна гӧгӧрвоисны асьныс, сельхозналог пӧшти быдӧн нин мынтӧны мырдӧн тшӧктытӧг; штрапуйтны сыысь нинӧм. Штрапнад оз озырмы Сӧветса государствоыдлӧн казнаыс, сӧмын крестьяналы сійӧ сьӧктӧд.

Дерт, эмӧсь на сэтшӧм йӧз, кодъяс нарошнӧ оз мынтыны, нюжӧдӧны, думайтӧны: «Гашкӧ, прӧститасны, вунӧдасны, либӧ кыдзкӧ вермам мездысьны». Татшӧмъястӧ и кутасны кыскыны судад.

Совет власьт пыр вочасӧн чинтӧ налогъяс крестьяна вылысь, кокньӧдӧ налогсьыс. Крестьяналы сідзжӧ колӧ бура уджавны и Сӧвет власьтлы: налогъяс мынтыны срокӧдз ставсӧ.

Выль сельхозналог (1925−1926 во вылӧ) ещӧ на чинтӧмаӧсь. Оз нин ков тайӧ налогсӧ мынтігӧн крестьяналы ыръянитны — сыысь сӧмын лёк артмӧ.

Сэтшӧм йӧзыдлы миян сюрас на «кесйӧдлысьыс» — народнӧй суд.

Коми крестьяна, энӧ сы выйӧдз воштысьӧй!