КЫДЗ ПУ

Учёнӧйяс шуӧны, мый миян войвылын быдмӧ да олӧ квайт пӧлӧс кыдз пу. Но кымын пӧлӧс кӧть эз вӧв, ставныс найӧ мичаӧсь, сӧстӧмӧсь, еджыдӧсь. Быдӧн, кӧнкӧ, тӧдӧны, мый ни ӧти пулы абу сиӧма сы мында кывбур да сьыланкыв. Мыйла? Да сы вӧсна, мый сійӧ аслас мичлуннас да бурлуннас радуйтӧ миянлысь синъясӧс и вӧрын, и берег дорын, туй бокын и ӧшинь улын.

Менам радейтана пуӧй! Тэнад еджыд паськӧмыд дзирдалӧ гожӧмын асъя кыа петтӧдз, сӧстӧм веж коръясыд ньӧжйӧника шпорӧдчӧны, быттьӧ чолӧмалӧны локтысь лунсӧ.

А арнас зарниӧн лӧсталӧны-сотчӧны кыддза расъяс, видзӧдан и синтӧ он вермы вештыны. Тӧвнас тэ еджыд-еджыд, быттьӧ кисьталӧма тайӧ эзысь пызьӧн, гыӧртӧ быд ув, быд ув вож. Сулалан зумыша, но крепитчан. Мукӧддырйиыс тіралан, но он сетчы кӧдзыдыслы, лэчыд тӧлыслы, лымйыслы. Мыйӧн шондӧдас, тулысын тэ бӧр томман, пасьталан выль платье, гордӧя кыпӧдан юртӧ вылӧ. Ов да радуйт йӧзсӧ.