ПОШТА КУД

Кӧрткерӧс. Шыран коклы. Комсомол паска йывсьыд сёрмис.

Чераневскӧй Ф. В. Семенчинлы. Лыддьы «Коми Сикт» газет витӧд номерысь «Выль местаӧ мунӧм йылысь» статья.

Сернӧс. Чивля пилы. Лыддьысян керка йывсьыд ыстім Обполитпросветӧ.

Домна Васьлы. Быдӧн ӧд тӧдӧны: он кӧ муястӧ потш, ставсӧ скӧт талялас да сёяс. Сы йылысь нинӧм гижны.

Визин. Шпал вӧчысьлы. «Северолес контораын» гижӧдыд оз мун. Тэ гижан: мукӧдсӧ пӧ неладнӧ рӧщӧтайтӧны, а он инды мортсӧ, кодкӧд сідзсӧ вӧчӧмаӧсь.

Кӧрткерӧс. Удж корсьысьлы. «Водзвыв уджалысьыс юысь» йывсьыд оз мун. Тэ ногӧн ӧмӧй, ёртӧй, бур вӧлі, быд сур стӧкан вылӧ кӧ кутіс удж да места сетавны.

Пожӧг. Дзоридз косьмис. Зэв уналаӧ гижӧднад волӧмыд да некытчӧ сӧмын абу прамӧя веськавлӧмыд, нинӧм он гӧгӧрво. Сэсся коланыс нинӧм абу. Колӧ векньыдджыка босьтны, ӧтитор йылысьджык гижны.

Кулӧмдін. За вридзампом зав. Ч. Ӧ. Ӧти-кӧ, нинӧм прамӧйтор абу гижӧмыд, мӧд-кӧ, зэв он зіль лӧсьыдджыка гижны. Карандашӧн кыкнан бокас зэв тэрмасьӧмӧн гижӧмыд, нинӧм он гӧгӧрво.

Тшугӧр. Люционерлы. Вывті гижӧдыд сёрмис. Газетӧ оз мун.

Паджга. Кывзысьлы. Кывзытӧм морт йывсьыд оз мун. Сійӧс асланыд позьӧ лӧсьӧдны.