ПӦЖАР КӦ НӦ ЛОӦ?..

Волся вӧлӧсьтын (Сыктыв у.) Кырув сиктын эм пӧжарнӧй машина. Машинаыс ставыс сімӧма. Вӧлі машинасӧ новлӧдлыны зэв кыз кучик, да сійӧс вундалӧмаӧсь, уна винт нин оз тырмы и. Ӧні машинаыс некытчӧ нин оз шогмы.

Сэсся эмӧсь машина кыскалан пу додьяс, кык телега, куим сера пос (лестницы). Тайӧ кӧлуйыс ставыс туплясьӧ зэр ва улын, некутшӧм вевт ув абу. Заводитлісны вӧчны сарай, да некыдзи эз вермыны эштӧдны, вӧрыс сруб гӧгӧрыс туплясьӧ, сісьмӧ.

Кӧн бара кӧзяиныс сійӧ кӧлуйыслӧн?

Пӧжар кӧ лоӧ — мыйӧн бара кутасны кусӧдчыны?

Паньӧ Миш пи.