НЕЛАДНӦ ВӦЧӦНЫ

Ылыдздін сиктын (Мылдін вӧлӧсьтын, Кулӧмдін уездын) видз-му вӧдитан удж оз на Сӧвет власьт индалӧм серти нуӧдны. Сэні видз-мусӧ юклӧма со кыдзи: 18 арӧсысь гырысьджыкъяслы сетӧмаӧсь тыр пай, 18 арӧссянь 12 арӧсӧдз пай джын, 12 арӧссянь 6 арӧсӧдз пайыслысь нёльӧд юкӧнсӧ, 6 арӧссянь посниджыклы нинӧм оз сетсьы. Сэсся дзик ньӧти оз сетны видз-мусӧ сиктӧ локтӧм да овмӧдчӧм йӧзлы, кӧть найӧ сэні олӧны дас воясӧн нин. Найӧ эськӧ зэв ёна видз-мусӧ корӧны. Колӧ видзӧдлыны татшӧм видз-му вӧдитӧм вылас да веськӧдны сійӧс.

А. Микушев.