ЛӦЗЫМЫН

Сю ӧзимъяс омӧльӧсь.

Кӧдзӧны анькытш.

Лӧзымын (Сыктыв уездын) сю ӧзимъяс таво омӧльӧсь. Кодъяс кӧдзлісны Сельхозбанкысь босьтлӧм роч сю кӧйдысӧн, налӧн муяс вылас дзик ньӧти абу петӧма. Ид кӧйдысъяс оз жӧ быдӧнлӧн тырмыны. Кытчӧ абу петӧмаӧсь сю кӧдзаяс, сэтчӧясӧ кӧсйӧны кӧдзавны ид, анькытш, пуктыны картупель. Таво анькытш кӧдзны босьтчисны унджыкӧн нин, колян вося серти кӧдзӧмыс соді куим мында. Ӧткымын морт кӧсйӧны турунъяс кӧдзны. Таво ид кӧйдыс машинаӧн весалісны 500 пуд гӧгӧр.

Мӧда-мӧдлы отсасян комитет.

Комитетас шленыс 45 морт кымын. Быд мортлысь шленӧ пыригӧн шуӧма босьтны 10 урӧн. Ӧні комитетас сьӧмыс 120 шайт. Крестьяна комитет вылӧ видзӧдӧны бура, сӧмын уджсӧ сылысь бура оз на гӧгӧрвоны. Комитетлы крестьяна сетісны мельнича, сэсся 50 додь улӧ видз.

Пӧжарнӧй дружина.

Эм пӧжарнӧй дружина. Сэтчӧ пырӧмаӧсь дас морт. Дружинаыс кӧсйӧ тшӧкыдджыка видлавны пӧжар кусӧдан струментъяс.

Босьтчӧны нюр косьтыны.

Лӧсьӧдісны мелиоративнӧй (видз-му косьтан) тӧварищество. Пырисны сэтчӧ 17 морт. Таво тулыснас кӧсйӧны косьтыны нюр да васӧд видзьяс.

Селькор.