ОТСАВ СТРАДА ДЫРЙИ!

Локтӧ гожӧм. Матысмӧны ыджыд уджъяс крестьяналӧн. Колӧ ёна видзӧдлыны крестьяна вылӧ. Налы докладыд, куш сёрнитӧмыд этша. Крестьянин виччысьӧ дай корӧ отсӧгтор.

Быд сӧвет учрежденньӧсянь, быд шефсянь колӧ сетны отсӧгтор.

Страда дырйи крестьянин ёна йӧрмывлӧ челядьӧс видзӧмын. На вӧсна пыр лоӧ повны. Мамъяслӧн сьӧлӧм век кын. Челядьяс ворсӧны истӧгӧн, купайтчӧны, дӧзмӧдӧны ёрта-ёртсӧ.

Колӧ мынтӧдны татшӧм полӧмысь мужикъясӧс дай нывбабаясӧс. Колӧ быд сиктӧ восьтыны бур олӧм челядьлы, лӧсьӧдны челядь луг (детские площадки). Ыджыд дон, уна сьӧм сы вылӧ оз ков. Сё шайт вылӧ позьӧ страда дырйи вӧчны челядь лугтӧ. Быд челядь сэки лоӧ буринын. Ёна та вӧсна колӧ тӧждысьны кооперативъяслы. Ӧнія олӧмын нывбабаяслысь олӧм вермас кокньӧдны сӧмын кооператив. Ӧти челядь луг кӧ восьтан, уна нывбабалысь шог кокньӧдан.

Быдӧн тайӧ тӧдӧ, быдӧн гӧгӧрвоӧ. Оз ков уна сёрни. Быд учрежденньӧлы мог восьтыны челядь луг. Кутам видзӧдны — коді медвойдӧр?

Б.