ИГНАТОВ — КУЛАК

Йӧзӧс донтӧм донысь уджӧдӧ ас вылас. Служитӧ Госторгын

Помӧсдінын (Кулӧмдін уездын) эм кулак Игнатов С. Т. Сійӧ видз-мусӧ ассьыс оз и уджавлы, уджӧдӧ йӧзӧс. Уджӧдӧмсьыс мынтысьӧ зэв этша, мукӧддырйиыс ньӧти оз мынты. Кык му сылӧн эжмис нин дзикӧдз. Волисполкомбердса видз-му комиссия сы вылӧ оз и видзӧдлы.

Игнатов служитӧ Госторгын. Эм сэні тшӧтш тшӧтайтан удж нуӧдысь (счетовод). Сӧмын сійӧ тшӧтайтан удж нуӧдысьнас лыддьысьӧ, веськыдасӧ эськӧ абу тшӧтайтчысь, а Игнатовлӧн роботник. Неважӧн Госторгас вӧлі ревизия. Ревизиясӧ вӧчисны сур бӧчка бердын. Дерт, татшӧм ревизиятӧ оз позь шуны ревизияӧн.

Колӧ Игнатовӧс вӧтлыны Госторгысь дай колӧ видзӧдлыны ас вылас йӧзсӧ уджӧдӧм вылӧ.

Пионер зі.