ЛЫДДЬЫСЬНЫ ОЗ КОВ ЫЛӦ ВЕТЛЫНЫ

Пӧрӧм Шор сиктын (Летка вӧлӧсьтын, Сыктыв у.) май квайтӧд лунӧ крестьяналӧн вӧлі собранньӧ. Собранньӧ вылын сёрнитісны газет судзӧдӧм йылысь. Сёрнитӧм бӧрын шуисны восьтыны асланыс сиктӧ «гӧрд пельӧс» (красный уголок). Уджсӧ нуны сэні бӧрйисны П. А. Вакнин ёртӧс. Собранньӧ вылас жӧ чукӧртісны сьӧм «Крестьянскӧй газет» вылӧ во кежлӧ.

Войдӧр лыддьысян керкаыс вӧлі верстӧн-джынйӧн сайын, Гӧстинӧй гӧра сиктын; ӧні лыддьысьны ас сиктын нин позяс.

М. Сергиевскӧй.